Hekayə qurmaq və söyləmək üçün Artırılmış Reallıq alətləri - EdTech Azerbaijan

Bu yazımızda sizləri 2 yeni Artırılmış Reallıq nümunəsi ilə tanış etmək istərdik. Təqdim edəcəyimiz tətbiqetmələr daha çox hekayə qurmaq, söyləmək və  hekayələri canlandırmaq üçün istifadə olunur. Artırılmış Reallıq tətbqetmələri ilə hekayə qurmaq və danışmaq hekayə danışmanın yeni bir növüdür. Bu zaman şagirdlər personajlarla mühitlə əlaqədə olmaq imkanı qazanır, öz yaradıclıqların fərqli bir yolla təqdim etməyə çalışırlar. Bu şagirdləri hekayə oxumaqa və danışmağa daha da motivasiya edir, onları yeni hekayələr oxumağa, danışmağa, başqaları ilə paylaşmağa və ən əsası öz hekayələrini yazmağa həvəsləndirir.  

  1. Yopuppet

YoPuppet istədiyiniz yerdə virtual əl kuklaları canlandırır. İstənilən yerdə vəzaman  öz kukla nümayişlərinizi yaradıb, yaddaşda saxlayıb, paylaşa bilirsiniz. Proqrama mütəmadi olaraq yeni imkanlar və kuklalar əlavə olunur. Bunun üçün verilmiş linkdən tətbiqetməni yükləyirsiniz və istədiyiniz əl kuklasını seçirsiniz. Arxa fon və digər seçimləri etdikdən sonra əlinizi kameraya tanıdırsınız. Record düyməsinə klikləməklə səsinizi və hərəhətlərinizi qeyd edib yaddaşda saxlaya bilirsiniz. Proqram eyni zamanda səsi dəyişməyə də imkan verir.

Link:https://apps.apple.com/us/app/yopuppet-ar-hand-puppet-show/id1464054860

  1. 3DBear

3D dizayn, heakəyə qurma və danışma, yaradıcılıq işlərində istifadə edə biləcəyiniz tətbiqetmə şagirdlər üçün geniş yaradıcılıq imkanları təqdim edir və müxtəlif fənnlərdə istifadə etmək mümkündür. Daxilində müxtəlif kateqriyalar üzrə hazır elementlər verilib. Bu elementlər vasitəsi ilə səhnə canlandırılır və şəkillər formasında yaddaşda saxlanılır. Proqramın daxilində müəllimlər və şagirdlər üçün müxtəlif dərs proqramları və fəaliyyətlər təqdim olunur.

Link: https://apps.apple.com/fi/app/3dbear/id1234975406#?platform=ipad


Elvin Əliyev
Rəqəmsal öyrənmə və İT koordinator
Email: aliyev1911@gmail.com