Oyun əsaslı öyrənmə günümüzdə təhsildə tez-tez istifadə olunan yanaşmalardan biridir. Xüsusi ilə yaranmış pandemiya vəziyyəti ilə bağlı şagirdlərin məktəb mühitinə yenidən alışması, yaşadıqları psixoloji gərginliyin aradan qaldırılması oyun əsaslı öyrənmə fəaliyyətlərinin tez -tez istifadə edilməsini zəruri edir. Bu yazımızda sizlərə onlayn təqdimat formasında hazırlanmış müxtəlif oyun şablonlarını və hazır oyunları təqdim edirik. Bu şablonları və hazır oyunları bir başa öz sinifinizdə istifadə edə və ya mövcud ideyanı təkminləşdirib fərqli oyunlar hazırlaya bilərsiz.
Lövhə oyunu -monopoliyaya bənzər oyun
Müəllif: SlidesMania
Oyun nümunəsini aşağıda verilmiş linkə daxil olduqdan sonra File- Download- PPT əmri ilə ko
mpüterinizə yükləyib dəyişə bilərsiniz və ya File- make a copy əmri ilə Google Drive ınızda surətini yaradıb onun üzərində işləyə bilərsiz. Təqdimatdakı 3 cü slayddan başlayaraq Activity1, Activity 2 hissələrini öz mövuznuza uyğun dəyişməlisiz. Oyuna başlamaq üçün təqdimatı nümayiş rejiminə keçirin. Oyun zamanı zər atılır və zərin nəticəsinə uyğun addım komanda və ya şagird irəli gedir. Nəticədə alınan xana nömrəsinə uyğun səhifəyəkeçid edilir və o səhifədəki tapşırıq yerinə yetirilir. Bu qayda ilə komanda və ya şagirdlərdən biri finishə çatana qədər davam edir. zərin atılmasını həm onlayn alət vasitəsi ilə həmdə təqdimatda verilmiş video ilə həyata keçirmək olar.
Link:https://docs.google.com/presentation/d/1gQ8zeO5eLzEHVZIgDh0e-2fE2T_2v5P_Zx99G2_sWRA/edit?usp=sharing
Xəzinə ovu
Müəllif: SlidesMania 
Aşağıda verilmiş linkə daxil olduqdan sonra File- Download- PPT əmri ilə kompüterinizə yükləyib dəyişə bilərsiniz və ya File- make a copy əmri ilə Google Drive ınızda surətini yaradıb onun üzərində işləyə bilərsiz. Bu əməliyyatları yerinə yetirdikdən sonra təqdimatı açın. İkinci səhifədə oyununuzun qaydalarını yazın. Daha sonra 12-ci slaydan başlayaraq hər bir nömrəyə uyğun sualları daxil edirsiniz. Oyunu oynayan zaman ilk öncə təqdimat rejiminə keçin. Hər hansısa sandığa kliklədikdə həmin sandıq açılır və nömrə çıxır. O rəqəmə klikləməklə suala keçid edirsiniz. Sual səhifəsində açar işarəsinə klikləməklə əsas səhifəyə geri dönüş edə bilirsiniz.
Link: https://docs.google.com/presentation/d/1FjHDBM9_LVw2bT2HxCFQrHQtBoUzdt9yRim_MEWD4Wg/edit?usp=sharing
Seçim Lövhəsi
Müəllif: SlidesMania
Aşağıda verilmiş linkə daxil olduqdan sonra File- Download- PPT əmri ilə kompüterinizə yükləyib dəyişə bilərsiniz və ya File- make a copy əmri ilə Google Drive ınızda surətini yaradıb onun üzərində işləyə bilərsiz. Təqdimatdakı 3 cü slaydan başlayaraq öz sual və tapşırıqlarınızı yaza bilərsiz. Nümayiş rejiminə keçdikdən sonra oyun zamanı şagird rəqəm seçir. Həmin rəqəmin üzərinə sıxdıqda ona uyğun yerləşdirilmiş tapşırıq açılır.
Link: https://docs.google.com/presentation/d/1ZCsIwahs_Z7I2uCZMqx5cknJVc1msGZu1WnBMIZDhe0/edit?usp=sharing
Kibrit çöpləri ilə riyaziyyat
Müəllif: Avi Megiddo
Kibrit çöpləri ilə təqdim olunmuş riyazi- məntiq məsələlərini yəqin ki hamınız görmüsünüz. Bu təqdimatda müəllif tərəfindən hazırlanmış 40 müxtəlif nümunəni nəzərdən keçirə bilərsiniz. Tapşırıqları yerinə yetirmək üçün sizdən bəzən kibrit çöpünü silmək bəzən döndərmək bəzənsə yerini dəyişmək tələb olunur. Verilmiş təqdimatda File- Download- PPT əmri ilə bütöv təqdimatı kompüterinizə yükləyə bilərsiz.
Link: https://docs.google.com/presentation/d/1dB-sNf7_EZXzsGt9huiaEU-CI5Ywawq5t3O0Ip4282k/edit?usp=sharing
Rəqəmsal nişanları topla-misiya tamamlama
Müəllif: Alice Keeler
Verilmiş linkə daxil olun. Öz kopyanızı yaradın və ya sənədi öz kompüterinizə yükləyin. Title hissəsində misiyanın adını yazın və description hissəsində onu şagirdlər üçün yerinə yetirməli olduqları tapşırıqları və ya işi təsvir edin. Şagirdlərə link 1 və link 2 hissəsində əlavə linklər- resurslar təqdim edə bilərsiz. Evidences hissəsində şagird tapşırığın cavabını qeyd edir və ya yerinə yetirdiyi fəaliyyətin sübutlarını göstərir. Misiyanın qarşısındakı checkboxa işarə qoyduqda misiya tamamlanmış kimi qeydə alınır və şagird müvafiq xalı və nişanı qazanır. Bu oyuna bir növ şagirdin müstəqil fəaliyyəti və ya özünü qiymətləndirmə vəsaiti kimi də baxa bilərsiz. Oyundakı nişan və xallar müəllif tərəfindən dəyişdirilə bilər.
Link: https://docs.google.com/spreadsheets/d/1fWBgg-s38C_zFxZgsEEQVYgLCLk5JsPNK_dY8mZGxy0/edit?usp=sharing
Kim milyonçu olmaq istər?
Müəllif: Mark E. Damon
Kim Milyonçu olmaq istər oyunun qaydaları ilə yəqin ki bir çoxumuz tanışıq. Verilmiş linkdən şablonu kompüterinizə yükləyin və ya sürətini yaradın. Öz suallarınızı və cavablarınızı qeyd etdikdən sonra oyuna başlaya bilərsiz. Qeyd edək ki, yaşıl rəng animasiyadır təqdimat rejiminə keçdikdə ilk öncə bütün cavablar qara rəngdə olur, növbəti düyməsinə sıxdıqda isə yaşıl rəng effekti düzgün cavabı göstərmək üçün ekrana çıxır.
Brain -Ring oyunu şablonu
Müəllif: Eric Curts
Verilmiş təqdimatda File- Download- PPT əmri ilə kompüterinizə yükləyin. Daha sonra slayd 3 də topic 1-5 hissəsində oyun zamanı istifadə edəcəyiniz sualların mövzularını yazın. Slayd 4- də 1-ci mövzunun 100 xal dəyərində sualını qeyd edirsiniz, növbəti slayda isə həmin sualın düzgün cavabını göstərirsiniz. Təbii ki, 500 xal dəyərində olan sual 100- xallıq sualdan daha çətin olmalıdır. Oyunu hazırlanmasında tədqimat daxilində slaydlara linklərdən istifadə edilmişdir. Oyun zamanı şagird öncə sualın mövzusunu daha sonra hansı xallıq sualı seçməsini bildirir. Sual səslənir, cavabın doğruluğu yoxlanır. Şagird və ya komanda o sualla düzgün cavab veribsə sualın dəyərindəki xalı qazanır. “click to return to Jeopardy Board” düyməsi ilə əsas slayda geri dönülür. Bu qayda ilə oyun davam etdirilir.
Link: https://docs.google.com/presentation/d/1N_5IbXUY3y2PCuhFQ0YA7ZuREwC7ew1Q3fyILBnEBQA/edit?usp=sharing
Söz axtarışı
Müəllif: Alice Keeler
Verilmiş linkə daxil olun və söz axtarışında istifadə etmək istədiyiniz sözləri cədvəldə Word list səhifəsində yazın. Proqram avtomatik şəkildə bunu pazla çevirərək sizə Puzzle səhifəsində söz axtarışı üçün uyğun formada təqdim edəcək. Şagirdlər tapdıqları sözlərin rəngini dəyişməklə fərqləndirə bilərlər
Link: https://docs.google.com/spreadsheets/d/1ZlS2_NpUAcfUsbu0dZOYExyGkWXqIk_vxVSiebjWK7U/edit?usp=sharing
Müxtəlif mövzularda 35 oyun şablonu
Müəllif: Curriculum corner
Verilmiş linkdən istifadə etməklə təxminən 35 müxtəlif mövzuda hazırlanmış hazır oyunlara baxa bilərsiniz. Oyunları açmaq üçün uyğun şəkilin üzərinə klikləyin. İstənilən bir təqdimatı File- Download- PPT əmri ilə kompüterinizə yükləyib dəyişə bilərsiniz.
Link:https://www.thecurriculumcorner.com/thecurriculumcorner123/google-slides-games-for-e-learning/
 Elvin ƏliyevRəqəmsal öyrənmə və İT koordinator Email: aliyev1911@gmail.com |
