Cəfər Cabbarlı 44, Caspian Plaza

Arduino ilə STEAM layihələrinin hazırlanması adlı video dərslərdən ibarət kurs, həm STEAM layihələrinin  hazırlanması üçün tələb olunan  programlaşdırma, həm də texniki və yaradıcılıq bacarıqlarının inkişafı istəyən şagirdlər və Ardunino həvəskarları üçün nəzərdə tutulmuşdur.

Kurs 9 dərsdən ibarətdir və kursun sonunda 10 sualdan ibarət onlayn imtahan mövcuddur.  Suallar kursda istifadə edilmiş videoları əhatə edir və 9 və daha çox suala düzgün cavab verənlərə sertifikat veriləcəkdir. 

Kursa qatılanlar, Arduino platformasını istifadə edərək elektronika, proqramlaşdırma, ağıllı qurğuların hazırlanması  sahələrində praktiki bacarıqlar qazanacaq. Kursun dərsləri interkativ formada təşkil olunub. Videoların aşağı hissəsində rəy bölməsində yerləşdirən sualları təlimçimiz tərəfindən ən qısa müddətdə cavablandırılır. Video dərs zamanı Arduino əsaslı layihələni hazırlayan zaman istifadə edilən həm proqramlaşdırma, həm də qurğu təminatı ilə bağlı olan bacarıqlar tədris olunur.

Qeydlər:

Kursu tamamlamaq üçün zaman məhdudiyyəti yoxdur

Kursa başlamaq üçün ilkin bilik tələb olunmur

Kursu tamamlamaq üçün Arduino set inin olması tələb olunmur

Kurs zamanı təqdim edilən layihə kodları videoların açıqlama hissəsində verilmişdir.

Suallarınızı rəy hissəsində qeyd etməyə çəkinməyin

Kursu uğurla tamamlayan şəxslər,müstəqil şəkildə layihə hazırlamaq üçün tələb olunan ilkin bilik və bacarıqlara yiyələnmiş olacaqlar.


Arduino Dərs 1 . Arduino nədir? "Setup", "Loop", "pinMode", "digitalWrite" əmrləri

Arduino nədir?- Arduino, açıq mənbəli bir mikrokontrollerdir. Birlikdə çalışdığı sensorlar, motorlar ilə birlikdə müxtəlif növ layihələrin hazırlanmasında istifadə edilir. Arduino qurğusunu proqramlaşdıran zaman istifadə olunan "setup", "loop", "pinMode" və "digitalWrite" Arduinonu proqramlaşdıran zaman istifadə olunan fundamental proqramlaşdırma anlayışlarıdır. Daha ətraflı ilk dərsdə:


Arduino Dərs 2 . Rəqəmsal və Analog siqnal, "Serial","digitalRead","analogRead", "analogWrite" əmrləri

Bu dərsdə, Arduino ilə qurğusunda məlumatın qəbul edilməsinə və ötürülməsinə kömək edən rəqəmsal və analog siqnalları və onların idarəsi üçün istifadə edilən əmrlər haqqında öyrənəcəyik. "Serial" əmri ilə seriyal əlaqə yaratmaq, "digitalRead" əmri ilə rəqəmsal pinlərdən məlumat oxumaq, "analogRead" əmri ilə analog pinlərdən məlumat oxumaq və "analogWrite" əmri ilə analog çıxışlara siqnal vermək üçün istifadə olunan əmrləri əhatə edəcəyik. Bu əmrlər, Arduino qurğusunun funksionallığını daha da artıraraq çeşitli sensor və motorlardan ibarət  sistemlərini idarə etməyə imkan verir. Daha ətraflı aşağıdakı videoda:


Arduino Dərs 3 . Müqavimət və Om qanunu, "Pull Down" müqaviməti.

Bu dərsdə,  dövrə müqaviməti və Om qanununun Arduino ilə əlaqələrini öyrənəcəyik. "Pull Down" müqaviməti ilə rəqəmsal pinlərin girişlərindəki gərginlik problematikasını həll etmək üçün tətbiq olunan bir metod, müqavimət və Ohm qanununun praktik tətbiqi ilə müşayiət ediləcəkdir. Dərs zamanı eyni zamanda Arduino ilə dövrə mühərriklərinin daha effektiv qurulması və pin girişlərinin düzgün işləməsinin təmin edilməsi barədə prakitik məlumatlar əldə edəcəyik.


 Arduino Dərs 4. Arduino layihələrində RGB ledlərdən istifadə 

Bu dərsdə, Arduino ilə layihələrin qurulması zamanı RGB ledlərinin istifadə  və onların idarə edilməsi üçün əsas məlumatlar veriləcək. RGB LED-lər qırmızı (RED), yaşıl (GREEN) və mavi (Blue) rənglərdən istifadə edərək müxtəlif rənglərdə işıqlana bilən bir LED növüdür. Müxtəlif rənglər yaratmaq üçün müxtəlif nisbətlərdə qarışdırıla bilər.  Dərsi izləməklə RGB ledlərdən istifadə ilə fərqli rəng effektlərin əldə olunması üçün prakitik təcrübə əldə edəcəyik.

Arduino Dərs 5 . Arduino qurğusunun proqramlaşdırılması: Şərt və dövr əmrlər (İf, Else, For, While). Düymədən istifadə

Bu dərsdə, Arduino qurğusunun daha mürəkkəv funksiyalara sahib olması üçün şərt və dövr əmrlərini öyrənəcəyik. İf, Else, For, While kimi əmrlər vasitəsilə proqramlarımızda şərtlər , dövrlər yaratmaq və proqramın davamlı şəkildə çalışmasını tənzimləmək üçün istifadə edilən prinsipləri ətraflı şəkildə öyrənəcəyik. Həmçinin, dərsdə düymələrdən istifadə edərək, layihələrdə fiziki interaktivlik əldə etmək üçün praktik məlumatlar əldə edəcəyik.

Arduino Dərs 6 . Buzzer ilə Ardunio əsaslı piano layihəsi

Bu dərsimizdə Arduino layihələrində geniş istifadə olunan Buzzer elementi haqqında məlumat alacaqsız.  Buzzer  ilə müxtəlif elektronik layihələr hazırlamaq mümkündür. Buzzerə daxil olan giriş voltajindan asılı olaraq müxtəlif tonlarda səs çıxaran bir cihazdır. Video dərsdə Buzzer və düymələrdən istifadə etməklə piano hazırlanmışdır.

Arduino Dərs 7 . LDR resistorlar ilə Siqnalizasiya layihəsi. Funksiyalardan istifadə

Bu dərsdə, LDR (Light Dependent Resistor) resistorlarını istifadə edərək bir siqnalizasiya layihəsi yaradacağıq. Layihənin proqramlaşdırılması  üçün proqram funksiyalardan (functions) istifadə etməyi öyrənəcəyik. LDR resistorları, işıq dərəcəsindəki dəyişikliklərə duyğulu olan elektronik cihazlardır və Arduino ilə birləşdirildikdə, işığı təyin etmək və ona görə müxtəlif fəaliyyətləri başlatmaq üçün istifadə edilir. Dərsdə, LDR resistorlarından gələn məlumatları oxuyaraq, siqanilzasiya qurğusu hazırlayacağıq.


Arduino Dərs 8. Liquid Crystal ilə oyun konsolu

LCD ekranlar Arduino layihələrində tez-tez istifadə olunan cihazlardır. Bu ekranlar simvolları və ya qrafikləri göstərə bilir. 16x2 və ya 20x4 simvol ölçülərinə malik olanlar daha geniş istifadə edilir. Bu video dərs zamanı LCD ekrandan istifadə etməklə oyun qurğusu hazırlamağa çalışacağıq. Layihənin hazırlanması zamanı Arduino Nano qurğusundan istifadə edilmişdir.


Arduino Dərs 9. UltraSonic məsafə sensoru ilə Məsafə Ölçən Cihaz layihəsi

Bu dərsimizdə Arduino ilə Ulturasonic məsafə sensorundan istifadə etməyi öyrənəcəyik.  Bu sensorlar məsafəni ölçmək üçün səs dalğasından istifadə edir. İlk növbədə sensor biri səs dalğası göndərir və göndərilən dalğanın manedən əks olunub geri dönməsini qəbul edir. Dalğanın göndərilib, qəbul edilməsinə sərf olunan zamana əsasən sensordan maneyə qədər olan məsafəni təyin edir.  Bizim istifadə etdiyimiz HC-SR04 sensorudur. Bu sensorun ölçmə məsafəsi 4 metrəyə kimidir.


Əgər kurs zamanı öyrəndiyiniz məlumatları praktik olaraq tətbiq etmək istəyirsinizsə bu zaman Edtech Azərbaycan Başlanğıc və ya Edtech Azərbaycan Pro setlərindən sifariş edə bilərsiniz: https://www.edtech.az/mehsullar/

Arduino əsaslı layihələrin hazırlanması Onlayn kursunun sertifikat imtahanına daxil olmaq üçün link:

https://forms.gle/JMabUAruJkFEx5RaA

Sual və fikirlərinizi bildirmək üçün əlaqə vasitələri:

Facebook: @Edtech.az 

Whatsapp: 050 716 04 96

Insagram: @edtech.az 

Website: www.edtech.az

Email: info@edtech.az




1