Hörmətli oxucu!
Günümüzdə hər gün yeni bir robototexnika və ya proqramlaşdırma olimpiadası elanı qarşımıza çıxır . Bəs övladınızın univeristet qəbulunda və ya xarici təhsil yolunda hansı olimpiadalarda iştirak etməlidir? Hansı olimpiadalar beynəlxalq dərəcədə tanınır? Əgər bu sualın cavabı sizi maraqlandırırsa, o zaman məqaləmizi mütləq oxuyun
Yaradıcılıq, problem həll etmə və İnnovasiyalar ilə zəngin Robototexnika olimpiadaları
ISEF – International Science and Engineering Fair
ISEF, dünyanın ən böyük məktəbli səviyyəsində elm və mühəndislik sərgisidir. Burada informatika və süni intellekt daxil olmaqla müxtəlif sahələrdə layihələr təqdim olunur. İştirakçılar alimlərdən və sənaye mütəxəssislərindən qiymətləndirmə alır. Nobel səviyyəsində yarışma, ABŞ-da universitetlərə qəbulda əhəmiyyətli rol oynayır, həm də böyük mükafat imkanları mövcuddur.
GENIUS Olympiad
Gənclərin qlobal problemlərə yaradıcı və elmi yanaşmalarla həll yolları təqdim etdiyi beynəlxalq olimpiadadır. ABŞ-da keçirilən bu yarışma ətraf mühitin qorunması və davamlı inkişaf mövzularına yönəlib və iştirakçılardan elmi layihələr, rəsm, yazılı esse, musiqi, qısa film və biznes ideyaları təqdim etmələri tələb olunur. GENIUS Olympiad təkcə STEM sahələri ilə məhdudlaşmır, həm də incəsənət və humanitar istiqamətləri bir araya gətirərək multidissiplinar yanaşmanı təşviq edir. Burada mükafat qazanan iştirakçılar müxtəlif universitetlərdən təqaüdlər, akademik dəstəklər və beynəlxalq əlaqə imkanları əldə edə bilirlər. Bu olimpiada, övladınızı həm texniki, həm də yaradıcı düşüncə baxımından inkişaf etdirmək və onu dünyanın mühüm problemlərinə həssas şəkildə yanaşmağa təşviq etmək üçün əla bir platformadır.
VEX Robotics Competition
Dünyanın ən böyük və ən nüfuzlu məktəbli səviyyəli robototexnika müsabiqələrindən biridir. Bu olimpiada ABŞ-da yerləşən Robotics Education & Competition (REC) Foundation tərəfindən təşkil olunur və hər il dünyanın 50-dən çox ölkəsindən on minlərlə komandanı bir araya gətirir. İştirakçılar mühəndislik prinsiplərinə əsaslanaraq VEX robotları qurur, proqramlaşdırır və müəyyən missiyaları yerinə yetirmək üçün yarışırlar.
VEX yarışması tələbələrin STEM (elm, texnologiya, mühəndislik və riyaziyyat) bacarıqlarını inkişaf etdirməklə yanaşı, komanda işi, liderlik, problem həll etmə və innovativ düşüncə kimi həyati bacarıqları da təşviq edir. Yarışma həm ibtidai, həm orta, həm də lisey şagirdləri üçün müxtəlif səviyyələrdə təşkil olunur. VEX Robotics Dünya Çempionatı Guinness Rekordlar Kitabına ən böyük robot yarışı kimi daxil edilib.
FIRST LEGO League (FLL)
FLL – uşaqlar və yeniyetmələr üçün nəzərdə tutulmuş beynəlxalq robototexnika müsabiqəsidir. Bu yarışmada iştirakçılar LEGO Mindstorms və ya SPIKE texnologiyasından istifadə edərək robotlar hazırlayır və müəyyən tapşırıqları yerinə yetirirlər.Texniki və sosial bacarıqların inkişafı, STEAM istiqamətli universitetlərə marağın artırılması,eyni zamanda, komanda işi, innovativ düşüncə və təqdimat bacarıqları da qiymətləndirilir.
FIRST Global Challenge
FIRST Global – dünyanın müxtəlif ölkələrindən komandaların qatıldığı beynəlxalq robot yarışmasıdır. Yarışma BMT-nin Dayanıqlı İnkişaf Məqsədlərinə uyğun sosial-texnoloji problemlərin həllinə yönəlib. .Geniş beynəlxalq şəbəkə, STEM sahəsində liderlik imkanları yaradır.Burada iştirakçılar mühəndislik, proqramlaşdırma və elmi tədqiqat bacarıqlarını nümayiş etdirirlər.
Robotex International
Estoniyada keçirilən və dünyanın ən böyük robototexnika festivalı sayılan Robotex, müxtəlif yaş qrupları və səviyyələr üzrə yarışmalar təklif edir. Yarış iştirakçıları real dünyaya yaxın texnoloji problemləri həll etməyə çalışır.Proqramlaşdırma, dizayn və mühəndislik sahəsində praktiki biliklər; CV və qəbul sənədlərində ciddi üstünlüklər təqdim edir.
Proqramlaşdırma üzrə Yaradıcı Müsabiqələr (Coding Challenges):
LeetCode, HackerRank, Codeforces kimi platformalarda müntəzəm olaraq müxtəlif yaradıcı proqramlaşdırma müsabiqələri keçirilir. Bu müsabiqələr, iştirakçıları qeyri-adi alqoritmlər düşünməyə, yeni yanaşmalar tətbiq etməyə və öz kodlarını ən səmərəli şəkildə yazmağa təşviq edir.
Enjoy AI (Huawei tərəfindən təşkil olunur)
Enjoy AI layihəsi süni intellekt (AI) sahəsinə maraq yaratmaq və bu sahədə ilkin bilikləri tədris etmək məqsədilə təşkil olunur. Yarış iştirakçıları süni intellekt əsaslı layihələr qurur və təqdim edirlər.AI sahəsinə giriş, Çin və beynəlxalq universitetlər üçün önəmli portfolio təcrübəsi .
Codeavour AI
Codeavour AI süni intellekt və kodlaşdırma üzrə dünya səviyyəli yarışmadır. İştirakçılar sosial faydalı texnologiyalar yaradaraq “Texnologiya ilə dünyanı yaxşılaşdırmaq” şüarı ilə layihələr təqdim edirlər.AI və robototexnikaya marağın inkişafı, kodlaşdırma bacarıqlarının təkmilləşdiriməsinə
Beynəlxalq İnformatika Olimpiadaları
Bu olimpiadalar təkcə biliklərinizi sınamaq üçün deyil, həm də nüfuzlu universitetlərə qəbul olmaq üçün əla bir fürsətdir. Gəlin, universitetlərin qəbul zamanı xüsusi diqqət yetirdiyi 5 əsas informatika olimpiadasına nəzər salaq:
Beynəlxalq İnformatika Olimpiadası (IOI - International Olympiad in Informatics):
Bu, məktəblilər arasında ən nüfuzlu və ən qədim informatika olimpiadasıdır. Hər il dünyanın müxtəlif ölkələrindən ən istedadlı gəncləri bir araya gətirir. IOI-də qazanılan medal beynəlxalq səviyyədə tanınır və bir çox universitetlər üçün qəbul zamanı böyük bir üstünlük təşkil edir. Bu olimpiada alqoritmik düşünmə, proqramlaşdırma və problem həll etmə bacarıqlarını yüksək səviyyədə tələb edir.
Balkan İnformatika Olimpiadası (BOI - Balkan Olympiad in Informatics):
Balkan ölkələri arasında keçirilən bu olimpiada da regionda böyük əhəmiyyətə malikdir. BOI-də uğur qazanmaq, xüsusilə Balkan universitetlərinə qəbul prosesində namizədlərə ciddi üstünlük verir. Olimpiada, IOI-yə hazırlıq mərhələsi kimi dəyərləndirilir və iştirakçılara beynəlxalq təcrübə qazanmaq imkanı yaradır.
Mərkəzi Avropa İnformatika Olimpiadası (CEOI - Central European Olympiad in Informatics):
Mərkəzi Avropa ölkələrinin ən güclü gənc informatikaçılarını bir araya gətirən CEOI, yüksək səviyyəli bilik və bacarıqları sınağa çəkir. Bu olimpiadada əldə edilən uğur, Avropanın aparıcı universitetlərinə qəbul olmaq istəyən tələbələr üçün əhəmiyyətli bir referansdır.
Ümumrespublika İnformatika Olimpiadası (Ölkə səviyyəsində):
Hər bir ölkənin öz milli informatika olimpiadası mövcuddur. Azərbaycanda da hər il keçirilən Ümumrespublika İnformatika Olimpiadası, istedadlı şagirdləri aşkar etmək və onlara beynəlxalq olimpiadalara vəsiqə qazanmaq imkanı yaratmaq üçün mühüm bir platformadır. Bu olimpiadada yüksək nəticələr göstərmək, yerli universitetlərə qəbulda əlavə bal və ya birbaşa qəbul imkanı verə bilər.
Bu seçilmiş olimpiadalar, sizin təkcə texniki biliklərinizi deyil, həm də özünəməxsus yaradıcılığınızı və innovativ düşüncə tərzinizi nümayiş etdirmək üçün əla fürsətlər təqdim edir.Universitetlər bu cür beynəlxalq nailiyyətlərə xüsusi önəm verir, çünki onlar tələbənin təşəbbüskar, yaradıcı və texnologiyaya maraqlı olduğunu göstərir. Şagirdlərə bu imkanlardan yararlanmağı və gələcəkdə öz sahələrində lider olmağa doğru inamla irəliləməyi tövsiyə edirik.Əgər siz də özünüzdə qeyri-adi ideyalar və onları həyata keçirmək üçün həvəs görürsünüzsə, bu olimpiadalarda iştirak etməklə öz potensialınızı tam olaraq üzə çıxara bilərsiniz!
Unutmayın, ən böyük kəşflər və yeniliklər məhz yaradıcılığın gücü ilə mümkün olur!
