Turtle- Bağa
Bağa başlanğıcda Loqo proqramlaşdırma dili ilə məşhurlaşmışdır. Bağa kitabxanasında döşəmə boyunca hərəkət edən və hərəkət edərkən şəkillər çəkə bilən, qələmi olan kiçik bir robota proqramlaşdırılırdı. Python bağa modulunda bir vərəq üzərində hərəkət edən robot əvəzinə ekranda şəkillər çəkən kursor/ikon istifadə edilir. Bağa modulu uşaqlar üçün Python proqramlaşdırma dilini öyrənmək və yaradıcılıq bacarıqlarını ifadə etmək üçün mükəmməl vasitədir.
Tkinter
Bağa modulnu mənimsədikdən sonra tkinter öz GUI-lərinizi (qrafik istifadəçi interfeysləri) yaratmaq üçün öyrənə biləcəkləri faydalı Python kitabxanasıdır. Siz düymələr və vidgetlər yarada və onları basdıqda və ya kliklədikdə xüsusi kodları işə sala bilərsiniz. Tkinter modulu vasitəsi ilə şagirlər qrafik istifadəçi interfeysinə malik proqramlar: kalkulyator, restoran, hotel və ya kitabxana sistemi hazırlaya bilərlər.
Pygame
Pygame Python-da öz oyunlarınızı yaratmaq üçün kitabxanadır. O, qrafik ekran yaratmağa, oyunlarınızda baş verəcək hadisələri, bu hadisələrə cavab olaraq işə salınacaq proqramlaşdırma məntiqini təyin etməyə imkan verir. Modul həmçinin klaviatura, siçan və digər xarici qurğuları idarə etmək üçün imkanlara malikdir. Eyni zamanda modul imkan verir ki oyuna can, vaxt, oyunçuların interaktivliyi kimi digər fərqli oyun komponentləri əlavə edilsin.
nltk
nltk (Natural Language Toolbar) python-da sizə e-poçtlar, sənədlər və veb səhifələr kimi mətni emal etmək üçün müxtəlif imkanlar verən moduldur. Məsələn, tam Harry Potter kitab seriyasını təhlil etmək və konkret personajların maraqlı qeydlərini tapmaq istəyirsinizsə, nltk sizin üçün moduldur! Siz cümlələri sözlərə ayıra, sözlər üzərində semantik mülahizə apara və ya mətnlərin təhlili ilə bağlı digər əməliyyatkarı apara bilərsiz.
NumPy
Orta məktəb şagirdlərimiz üçün numpy massivlərdə böyük həcmdə ədədi məlumatların işlənməsi üçün moduldur. Məsələn, dronunuz həyətinizdə səyahət edərkən kompüter məlumatlarınızı göndərirsə, çox sayda massivlər dronunuzun hərəkətini izləməyə və ekranda onun trayektoriyasını çəkməyə kömək edə bilər. Numpy modulları massivləri mürəkkəb üsullarla emal etməyə imkan verir.
PyTorch
PyTorch robototexnika, chatbotlar, oyun oynamaq, şəkil və video emalı kimi AI proqramlaşdırması üçün nəzərdə tutulmuş kitabxanadır. Facebook-un AI qrupu (FAIR) tərəfindən hazırlanmış maşın öyrənmə kitabxanasıdır. Kitabxana ilə müasir maşın öyrənməsini, xüsusən də Deep Learning alqoritmlərinə əsaslanan proqramlar hazırlamaq mümkündür.
